Нурлатлылар Россия өчен үзәк мәйдандагы фан-зонада җан ата

Фан-зонада меңләгән кеше җыелышкан, алар әле кичке 6дан ук килә башлады, мәйданда сәүдә нокталары эшли, җирле сәхнә осталары иң яхшы концерт номерларын әзерләгән иде. Җанатарларның саны артканнан-арта бара. Халык үзләре белән флаглар, футбол атрибутикасы алып килә... Россия җыелма командасы өчен җан атарга нурлатлылар һәм шәһәр кунаклары гаиләләре белән килгән. Барысын да горурлык хисләре берләштерә, чөнки Россия командасы үз тарихында беренче тапкыр чирекфиналга чыкты бит һәм җиңүгә шанс бар.