Нурлатта быел беренче суга батып үлүче теркәлгән

Аны 15 минут үтүгә авыл кешеләре тартып чыгарырга өлгерсәләр дә, 31 яшьлек Е. инде якты дөнья белән хушлашырга өлгергән була. Россия МВДсының Нурлат районы бүлегеннән әйтүләренчә, вакыйга таныш схема буенча бара: мәрхүм дуслары белән аракы эчеп алганнан соң, су керергә ниятли, ә ахыры - билгеле инде. Бу - коену сезоны башланганнан бирле райондагы беренче батып үлү очрагы. Эссе көннәрдә спиртлы эчемлек белән мавыгып, өстәвенә "колачлап" йөзеп тә хозурланырга яратучыларга сабак булсын иде ул.