Нурлатта чөгендерне үстерәләр дә, шикәрен дә ясыйлар

Завод сезон башланганнан бирле үзебез һәм күрше район хуҗалыкларыннан барлыгы 123 мең тоннадан артыграк шикәр чөгендере кабул итәргә өлгергән. Бүгенге көндә продукция җитештерү һәм чөгендер кабул итү тулы куәтенә дәвам итә. Ә менә район агарийлары чөгендер казуны якын араларда төгәлләүне бурыч итеп куя. Атна башына хуҗалыкларда 435 гектар (бу барлык мәйданнарның 5 проценты) татлы тамыр казыйсылары калды.