Нурлатта массакүләм ГТО нормаларын тапшыру үтте

"ГТО нормалары тапшыру Татарстан Президентының махсус указы нигезендә үткәрелә. Бүгенге чарада шәһәрнең оешма-предприятиеләре хезмәткәрләре, район, шәһәр башкарма комитетлары, Советлары белгечләре катнаша", - диде яшьләр эшләре һәм спорт бүлеге җитәкчесе Әнәс Нәбиуллин. ГТО нормалары тапшыруда шәһәр башкарма комитеты җитәкчесе Нәгыйм Сафиуллин, район-шәһәр башкарма комитетының кайбер бүлек-идарә җитәкчеләре дә катнашты. Шул рәвешле, 200 нурлатлы урыннан сикерү, йөгерү, граната ыргыту, мылтыктан ату кебек унлап спорт төрендә үз көчләрен сынап карады. Аларның нәтиҗәләре соңрак Казанга җибәреләчәк. Оештыручылар әйтүенчә, алга таба мондый чаралар даими үткәреләчәк икән.