Нурлатта наркотикка каршы комиссиянең эшче утырышы үтте

Сөйләшү барышында "2014 елда Нурлат муниципаль районында халыкны наркотикка каршы профилактикалауның эш планын тормышка ашыру", "Мәк -2014" оператив-профилактик операциясен үткәрү , укучылар һәм студентлар арасында "Наркотикларсыз тормыш" наркотикка каршы республика акциясе кысаларында районда уздырылучы чаралар турында уртага салып сөйләшенде. Комиссия утырышында наркотиклар әйләнешен контрольдә тоту буенча Федераль службаның Түбән Кама районара идарәсе начальнигы Евгений Ситников, идарәнең өлкән оперуполнамоченные Гөлнара Хәбибуллина, авыл җирлекләре башлыклары, мәгариф, район үзәк хастаханәсе, прокуратура вәкилләре катнашты.