Нурлатта почта хезмәткәрләре һөнәри бәйрәмнәрен билгеләп үттеләр
Нурлатның почта хезмәткәрләрен якынлашып килүче һөнәри бәйрәмнәре белән район башкарма комитеты җитәкчесе Алмаз Әхмәтшин исеменнән аның социаль-мәдәни мәсьәләләр буенча урынбасары Әлфия Галәветдинова котлады һәм бүләкләр тапшырды.
Биредә үк почта хезмәте алдынгылары - почтамт җитәкчесе урынбасары Елена Вәлиуллина, сортировщица Светлана Кармышова, бухгалтер Марина Ефремова һәм башкалар “Татарстан почтасы” УФПС филиалының Мактау грамоталары һәм Рәхмәт хатларына лаек булды. Почтамт җитәкчесе Рәфис Ногмановка РФ Элемтә һәм массакүләм коммуникацияләр министрлыгының Рәхмәт хаты тапшырылды. Алга таба бәйрәм табигать кочагында спорт уеннары һәм ярышлар белән дәвам итте.
Следите за самым важным и интересным в Telegram-каналеТатмедиа
Нет комментариев