Нурлатта: ДТП сыерларның гомерләрен озынайтты

Редакция мәгълуматларыннан күренгәнчә, районның бер хуҗалыгының әлеге сыерларны Алабугага ит комбинатына озатуы булган икән. Машина йөртүченең борылышта дөрес маневр ясамавы аркасында, таккыч әйләнеп капланган. Шаһитлар әйтүенчә, сыерлар зыян күрмәгән. "КамАЗ" машинасы шоферына йөкне контрольда тотмаганы өчен беркетмә төзелгән, сыерларның гомере бетмәгән булган икән, алар туган фермаларына кайтарылган.