Реклама
ХӘБӘРЛӘР
Нурлатта ялларда үлем-китем арткан
Бу хакта безгә полиция бүлегендә хәбәр иттеләр. 8 көнлек яллар чорында полициянең кизү телефонына барлыгы 73 хәбәр кергән, 12 үлем очрагы теркәлгән. Шуларның дүртесе - үз-үзләренә кул салу.
Ике гаиләдә чыккан ызгыш вакытында пычак куллану очрагы теркәлгән.
Каникуллар чорында комарлы уеннар белән мавыгучылар да полиция "күз угында" булган. Мисал өчен, 6 гыйнварда законсыз эшләүче шундый бер салонның эше туктатылган, салоннан уен җиһазлары алынган.
Бәйрәм көннәрендә барлыгы 15 юл-транспорт һәлакәте теркәлгән. Шөкер, җәрәхәт алучылар юк, дип хәбәр итәләр ЮХИДИдә. 105 машина йөртүче кагыйдә бозган өчен административ җаваплылыкка тартылган, 9 кеше исерек килеш руль артына утырган.
Следите за самым важным и интересным в Telegram-каналеТатмедиа
Нет комментариев