Нурлаттагы балалар бакчасын төзү эшләре кызу бара

Бүгенге көндә аның нигезе тулысынча корылган, цоколь һәм 1нче катлар төзелгән, хәзер 2нче катны төзү дәвам итә. Объектта 2 ташчылар биргадасы мәшгуль, алар 30ау. "ПИК+" җәмгыятенең участок начальнигы Рәмис Зәкиев әйтүенчә, срокларга сыешалар икән. Объект район һәм "ПИК+" ОООсы җитәкчелекләренең дә даими контрлендә тора. Бүген, 13 майда иртән биредә предприятие начальнигы Марат Саттаров булып китте. Аның әйтүенчә, кайбер эшләр параллель алып барыла. Мисал өчен, тышкы челтәрләрне - суүткәргечен, канализация, газ сузу эшләрен башлаганнар. Киләсе атнага блоклы котельня кора башлаячаклар һәм территорияне төзекләндерүгә алыначаклар. Ике атнадан фасадны тышлауга керешмәкчеләр. Июньгә электр сузу һәм эке эшләр планлаштырылган.