Полициядән Яңа ел күчтәнәче

Әлеге чорда Россия МВДсының Нурлат районы бүлеге хезмәткәрләре аз керемле, имин булмаган, ишле гаилә балаларына, КДН һәм ПДНда исәптә торучы, инвалид балаларга кием-салымнар, уенчыклар һәм китаплар җыеп тапшырдылар.
Акция барышында полиция хезмәткәрләре 36 гаиләдә булып аларда тәрбияләнүче 58 балага бүләкләр бирделәр. Шулай ук 8 гаиләгә матди ярдәм формасында кием-салымнар, аяк киемнәре бүләк иттеләр. Акция барышында тагын 2 имин булмаган гаилә ачыкланган һәм алар ПДНга исәпкә куелган.