Районда юбилей медальләрен тапшыру финиш сызыгына чыкты

Бүген, 23 мартта, Егоркино, Мамык, Төрнәс, Гәйтән, Бикүле һәм Якушкино авыл җирлекләрендә яшәүче сугыш ветераннарына, ветераннар толларына һәм тыл хезмәтчәннәренә - барлыгы 200 кешегә дәүләт бүләге һәм азык-төлек җыелмалары тапшырылачак. Юбилей медальләрен авыл җирлекләрендә район башкарма комитеты җитәкчесенең беренче урынбасары Руслан Морадыймов һәм социаль-мәдәни мәсьәләләр буенча урынбасары Әлфия Галәветдинова тапшыра. Иртәгә, 24 мартта, дәүләт бүләкләрен Колбай Мораса кустында яшәүче өлкәннәргә тапшыру белән төгәлләнәчәк.