Балалар китапханәсендә ремонт сентябрьдә дәвам итәчәк

Бу хакта безгә Нурлат муниципаль районы төзелеш һәм архитектура бүлеге белгече Илнур Бәхтияров хәбәр итте. Шул рәвешле бәлки елдан артыкка сузылган ремонт эшләре төгәлләнер, дигән идек, тик бүленгән акча түшәм белән стеналарны ясарга гына җитәчәк, ә идән мәсьәләсе ачык кала икән әле. Димәк, яңа уку елында да нәни укучыларга өлкәннәр уку залында хезмәт күрсәтүне дәвам итәргә туры киләчәк. Түшәм мөһим булса да, атлап йөрергә идән кирәк бит әле.