Нурлат паркы яңа күренеш ала

Беренчедән, биредә яңа капка куйдылар, ул үзенең зурлыгы гына түгел, ә матурлыгы белән дә сокланырлык. Балалар өчен таучык төзү башланды. Ул кышын уйнар өчен ясала. Агача конструкция акрынлап кына үз формаларын ала башлаган инде. Шәһәрлеләрнең күпсанлы сораулары буенча, автомобильләр парковкалау өчен мәйданчык төзи башланнар. Нурлат шәһбре башкарма комитеты җитәкчесе Рәмис Кәримов билгеләп үткәнчә, биредә балалар өчен уен мәйданчыгы кору да планлаштырыла икән. "Аның өчен җайланмалар быел ук сатып алыначак", - диде Рәмис Риязович.