Нурлатның «Чишмәкәй» бакчасында түбә алмаштыралар

Ремонт башланганнан бирле алар бакчаның икенче бинасында шактый эшләр башкарырга өлгергәннәр - тәрәзәләр, җылылык, суүткәрү системалары алмаштырылган, стеналарны тигезләгәннәр... Тиздән әлегә беренче бинада сыенып торган балалар шунда күченәчәкләр.
- Ремонт белән бәйле рәвештә бераз кыенлыклар бар инде, - ди бакча мөдире Галина Кореева. Әмма бакча хезмәткәрләре дә, ата-аналар да ремонтның кирәк булуын яхшы аңлыйлар.
Шунысы да бар - ремонт тулы куәтенә барса да, бакча җитәкчелеге аны ябып тору ягында түгел. Чөнки бакчага 250ләп бала йөри бит. "Азык-төлек блогында ремонт булганда, ябарга туры килсә дә, моны минималь срокларда башкарырыга тырышачакбыз", - ди бакча мөдире.