Бүген берничә гаиләгә яңа йорттан яңа фатирлар тапшырылды.
Самаренкин урамындагы әлеге йортны "Перспектива" ОООсы төзеде. Бүген, 8 февральдә исә яңа фатирлардан ачкычлар тапшыру тантанасы үтте. Шул рәвешле, 9 ятим бала фатирлы булды, бюджет өлкәсендә эшләүче 12 гаиләгә, Бөек Ватан сугышы ветераннарын торак белән тәэмин итү программасы буенча - 11, халыкны авария хәлендәге йортлардан күчерү программасы кысаларында 2 фатирның ачкычлары яңа хуҗаларына тапшырылды.
