Нурлат-⁠информ
  • Рус Тат
  • Үзәк базарда капиталь ремонт

    Май уртасыннан "Юниор" ОООсы универсаль базары территориясе палаткалы шәһәрчекне хәтерләтә. Төп бинага капиталь ремонт бара, шуңа да эшмәкәрләр үз товарларын ачык һава астында саталар.

    Үзеннән-үзе сорау туа: ашамлыклар бозылмыйлармы соң, ни дисәң дә, урамда 25 градустан да эссерәк бит.
    Иң беренче чиратта, без сатып алучыларның фикере белән кызыксындык, һәм, ни гаҗәп, канәгатьсезлек белдерүчеләр булмады. "Суыткычтан алалар бит", - диде сәүдә палаткасына суыткыч витрина куелган Катядан казылык алып торучы сатып алучыларның берсе.
    - Без продукцияне 2-3 көн эчендә сатып бетерерлек итеп кенә алып кайтабыз. Һәркайсыбызның даими сатып алучылары бар, сыйфатсыз ашамлыклар сатарга үз-үзебезгә дошман түгел бит без, - ди Катя.
    Тозлы һәм свежий балык белән сату итүчеләрнең киштәсендә товар берәмләп кенә куелган.
    - Бар нәрсә дә суыткычта, сорасалар - алып киләбез, - ди сатучыларның берсе. - Әлбәттә, эсседә эшләүнең уңайсыз яклары бар: температура югары булганлыктан, суыткычлар тиз ватыла, ремонтларга туры килә, аннары товарны да баштагыга караганда ике тапкыр азрак кайтарабыз. Нишләп тә булмый, ремонт - кирәкле эш.
    Тик капиталь ремонт озаккарак сузылмаганмы соң? Әмма эшләрнең барышына күз салсак - ә биредә электр үткәргечләре, тәрәзәләр, стеналарда һәм идәннәрдә кафель алмаштырылачак - эшләр шуңа тора.
    - Беренчедән, капиталь ремонт эшмәкәрләргә яхшы шартлар тудыру максатыннан үткәрелә , - ди базар управляющие Айрат Вәлиуллин.
    Бу аңлашыла да, чөнки хәзер конкуренция бар җирдә дә үзен сиздерә, аның бу тармакта да булуы табигый: эшмәкәр үз товарын сату өчен тиешле таләпләр булган урынны арендалаячак. Шуңа да стеналар буендагы киоскларны да заманча итеп җиһазландырачаклар, бина уртасындагы сәүдә рәтләрен дә санитар-гигиеник таләпләргә туры килерлек бер типтагы материалдан ясаячаклар. Ә сөт һәм кош итү сатучы авыл кешеләрен түбә астына "күчерәчәкләр": бинада алар өчен аерым урын булачак.
    Хәер, "Ваклап сату базарлары һәм РФ Хезмәт кодексына үзгәрешләр кертү турында" ФЗ-271 буенча 2013нче елның 1 гыйнвареннан барлык базарлар да, авыл хуҗалыгыныкыннан тыш, үз эшчәнлекләрен бары тик капиталь биналарда һәм корылмаларда гына башкарырга тиешләр. Шулай итеп универсаль базарда капиталь ремонт бик вакытлы булган.
    - Капремонтка керешкәнче, без гадәттән тыш хәлләргә китерергә мөмкин булган төрле вариантларны истә тотарга тырыштык, - ди идарәче, бу нәрсә белән очрашкан күрше төбәкләрдәге тәҗрибәне дә өйрәнергә туры килүенә аерым тукталып.
    Капиталь ремонт инде азагына якынлашып килә, территориядә эшләрне башлап җибәрү планлаштырыла: биредә үк урнашкан кибет хуҗалары белән берлектә чокыр ремонты ясау, урыны белән асфальтлау, керү урыннарын җиһазландыру күздә тотыла.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: