Байкерлар экстрим һәм Үрнәк чишмәсе суын ярата

Нәкъ биредә узган шимбә-якшәмбе көнне Татарстан байкерлары Мото-116 клубы палаткалы шәһәрчек корып, ике көнлек форум үткәрделәр. Мототехника, байкерлар әләме, күчмә сәүдә, гитара һәм бәрмә музыка кораллары, учак ягу, байкерлар туе...- форумнарның аерылгысыз атрибутлары аларның күптәннән инде уртак кызыксыну берләштергән зур һәм тату гаилә булып яшәүләрен күрсәтә. Нурлатның байкеры Ринат Гыйззәтуллин әйтүенчә, очрашу өчен һәр елны бер шәһәрне сайлыйлар. Йөздән артык экстрим сөюче катнашындагы Нурлат форумы истә калырлык үткән. Безнең шәһәрдән хәзер әлеге төркемгә 6 байкер керә икән.