"Гармония" социаль хәзинә җыя

Өйгә килеп хезмәт күрсәтү бүлекчәсе мөдире Елена Селезнева әйтүенчә, ул үзәктә исәптә торучы аз керемле ялгыз кешеләргә ярдәм күрсәтүгә юнәлдерелгән. Аларның күбесенең үз йорт яны участоклары юк яисә сәламәтлекләре начар булу сәбәпле, яшелчә һәм җиләк-җимеш үстерү белән шөгыльләнә алмыйлар. Шуңа да үзәк хезмәткәрләре алып килгән көз нигъмәтләре - яшелчә, җиләк-җимеш, тозланма һәм кайнатмаларны алар бик яратып кабул иткәннәр. Бүләкләр пенсионерларның тыйнак бюджетына да сизелерлек ярдәм, сәламәтлекләре өчен дә файдалы бит.