Нурлат музее экспозициясе “Уяв” кунакларына да тәкъдим ителәчәк

Анда районда яшәүче халыкларның көнкүрешен гәүдәләндергән 80нән артык экспонат тупланган. Болар арасында эш кораллары - җеп чорнау, киндер язу, туку станогы, киндердән тегелгән милли костюмнар һәм башкалар бар. Нурлатлылар болар белән район Сабантуенда танышырга өлгерделәр инде, ул Волгоград, Казан кешеләренең дә игътибарын җәлеп итте. Ә июльнең беренче шимбәсендә узачак "Уяв" бәйрәмендә аны тагы да күп кунаклар күрәчәк әле.