Нурлатлыларны “Гаилә аллеясе” утыртырга чакыралар

Бүген, 2026 елның 4 маенда, 16:00 сәгатьтә Үзәк паркның төп керү юлы янәшәсендә тантаналы рәвештә “Гаилә аллеясе”нә нигез салыначак.

Оештыручылар шәһәр халкы һәм кунакларын киләчәк буыннар өчен ямьле почмак булдырырга чакыра. Бу чара нурлатлыларның яраткан ял итү урынын төзекләндерүдә чираттагы адым булачак. Һәр гаилә яңа аллеяда агач утыртып, шәһәрне яшелләндерүгә үз өлешен кертә һәм үзе турында истәлек калдыра алачак.