ХӘБӘРЛӘР
Нурлатның ветераннар Советының эше республикакүләм бәя алды
2014нче ел нәтиҗәләре буенча, Нурлатның ветераннар Советы Җиңүнең 70 еллыгына багышлап үткәрелгән республика конкурсының икенче этабында 3нче урынга лаек дип табылды. Әлеге бәйге республиканың ветераннар оешмалары арасында методик-оештыру эшләрен иң яхшы алып баручыларны билгеләүне максат итә.
- Бөек Җиңүнең 70 еллыгына әзерлек кысаларында Нурлатта гаҗәеп зур эшләр башкарылды. Һәм бәйгедә без үзебезнең генә түгел, тулаем район һәм шәһәребезнең эшләре турында сөйләдек. Шуңа да бу җиңү ветераннар Советы белән бергә тулаем Нурлатның эшенә зур бәя булды,- ди ветераннар Советы җитәкчесе Разыя Садретдинова.
Следите за самым важным и интересным в Telegram-каналеТатмедиа
Нет комментариев