Фирдуснең “двойник”лары арта.
Юк, двойник дигәч тә аңа охшаган кешеләр турында сүз бара дип ялгыш уйлый күрмәгез.
Фирдүс образына кереп, артистның “фирменный” биюен башкаручылар турында әйтүебез. Татар эстрадасы артистлары пародия ясарга тырыша калсалар, әлеге дә баягы популяр Фирдүс чыгышын һәм шушы биюне күрсәтергә маташалар бит. Андый “осталар” гади тамашачы арасында да гел очрап тора. Бу юлы Благовещенск шәһәрендә бер егет артистның “Туган көн” җырына бию башкарып алкышлар алды. Үпкәләмисезме соң, дигән сорауга Фирдүс көлде генә.
-Нишләп үпкәлим ди, бу бит үзе минем популярлык билгесе. Кабатлыйлар, димәк, тыңлыйлар, яраталар, минем дә үпкәләмәячәгемне беләләр. Концертта тамашачы белән ике арада шундый элемтә урнашуына мин шат кына!-диде Тямаев.
Следите за самым важным и интересным в Telegram-каналеТатмедиа
Нет комментариев