Нурлатның “Ледок” командасы “Татар кубогын” яулады

Беренче периодтан соң 0:4 исәбе белән оттырып барганда, Арчаның “Тулпар” командасыннан җиңүне тартып алды һәм 7:6 исәбе белән “Татар кубогы” иясе булды.

Башта үз капкаларына дүрт шайба үткәрсәләр дә, нурлатлылар сынатмадылар. Матчның каһарманы Ролан Ерепов булды – аның пента-тригы турнир тарихына алтын хәрефләр белән язылды. Тагын – 5 очко туплаган Александр Соловьев. “Тулпар” соңгы секундка кадәр көрәште, ләкин инде “Ледок”ны туктатып калып булмый иде инде. 

Нрулатлылар өч матчта да җиңү яуладылар.

Нәтиҗәдә, урыннар түбәндәгечә бүленде:

1 – “Ледок” (Нурлат) 

2 – “Тулпар” (Арча) 

3 – “Белый Тигр” (Казан) 

4 – “Союз” (Киров).

Егетләребезне һәм тренер-укытучы Илназ Фәтхетдиновны котлыйбыз!