“Нурлат-информ” яңа бәйге игълан итте

Без 3 яшьтән 17 яшькә кадәрге балаларны 1 июньдә билгеләп үтеләчәк Халыкара балаларны яклау көне уңаеннан игълан ителгән “Сугышсыз балачак” дип исемләнгән иҗади бәйгебездә катнашырга чакырабыз.

Анда катнашу өчен тынычлык темасына рәсем ясарга яки аппликация әзерләргә кирәк. Аларның барысын да без күчтәнәчләр белән ”Хәрби туганлык” иҗтимагый оешмасы волонтерлары аша Луганск Халык Республикасының Лутугино балалар интернат-йортында тәрбияләнүче балаларга җибәрәчәкбез.

Конкурс эшләре 19 майга кадәр (шул көнне дә кертеп) К. Маркс урамы, 1Г адресы буенча (Нурлат телевидениесе) редакциябездә кабул ителә. Җиңүчеләрне бүләкләр көтә, барлык катнашучылар да электрон дипломнар алачак.
0+