АВЫЛ
Бикколда Нәүруз гүзәлен ачыклыйлар
Биккол авылында Нәүруз бәйрәмен билгеләп үтүне шимбәдән үк башлап җибәрделәр. Бу көнне Биккол мәдәният йорты хезмәткәрләре барлык авыл халкын, мәктәп укучыларын җыеп Нәүруз бәйрәме үткәрделәр.
Нәүруз йолалары, җырлы-биюле концерт, уеннар белән үрелеп барган чарада авыл халкы карга боткасы, кайнар чәй һәм коймак белән сыйланды. Ә соңыннан спорт залында мәктәп укучылары арасында спорт ярышлары үтте.
Бүген исә мәдәният хезмәткәрләре "Одноклассники" социаль челтәрендәге "Биккол" төркемендә "Нәүруз гүзәле" бәйгесен игълан итте. Биредә көн дәвамында халык авылның өлкән сыйныфларында укучы кызлар өчен тавыш биреп, "Нәүруз гүзәле"н ачыклаячаклар.
Следите за самым важным и интересным в Telegram-каналеТатмедиа
Нет комментариев