Колбай Морасада Сабантуй үтте

Сабантуй - авыл халкының гына түгел, читтә яшәүчеләрнең дә көтеп алынган бәйрәме. Быел аны оештыруда авыл җирлеге башкарма комитеты белән берлектә якташлары, эшмәкәрләр Рафаэль Камаев, Альберт Гыймранов һәм җирле кибет хуҗалары ярдәм иткән. Ә бәйрәмне җыр-моң белән бизәүдә читтә яшәүче якташлары, сәхнә остасы Фәрит Мусинның булышлыгы зур булган. Әлбәттә, авылның үз үзешчәннәре дә сәхнә тоткан, авыл халкы көне буена төрле уеннарда катнашып, рәхәтләнеп күңел ачкан.