Әмзәдә тагы бер чишмә барлыкка килде

Иске чишмәне чистарту, тирәсен тоту, өстенә капкачын ясау кебек мәшәкатьләрне ул бер дә иренмичә башкарган да Гает бәйрәме алдыннан ике авылның да өлкәннәрен чишмә янына чакырып зур булмаган бәйрәм дә ясап алган.

-Көн бик матур иде, рәхәтләнеп чәен дә эчтек, коймактан да авыз иттек, балачактан өйрәнгән шигырьләребезне дә искә төшердек,-дип шалтыраттылар безгә хәбәрчеләребез Сания Фәтхетдинова белән Вәсилә Минапова. Ә Ирек Нәбиуллинның исә беренче генә игелекле гамәле түгел инде бу. Иске Әмзә авылы чишмәсен тәртипкә китереп карап торучы да, беренче сыйныфка баручы сабыйларга бүләкләр өләшүче дә -ул, авылда кемгәдер борчу-кайгы килсә дә иң беренче булып ул ярдәмгә ашыга.

-Шуңа тормышлары бөтен, йортларында бәрәкәт, балалары тәүфыйклы һәм бәхетле дә аларның,-диләр авылдашлары әлеге гаилә башлыгына рәхмәт укып.