Шушы яктан, шушы туфрактан без

"Шушы яктан, шушы туфрактан без" дип аталган әдәби-музыкаль чараның быелгы - икенче чыгарылышын авылда туып-үсеп, бүгенге көндә читтә яшәүче бикколлылар әзерли. Узган елгы чарада җыр-моң осталары сәхнә тоткан булса, быел сәхнәгә авылның шигырь һәм җыр язучылары күтәреләчәк. Авылдашларга концерт номерлары бүләк итәргә теләк белдерүчеләр дә шактый икән. Кыскасы, чара авыл халкын берләштерүче җылы очрашу чарасы булып узар, дип көтелә.