Автовокзал кассирлары пилоткадан хезмәт күрсәтә

Гузель Садыкова, 29 апрель 2021 - 16:18

815

Бу көннәрдә Нурлат автовокзалына кергән пассажирларны “Җиңү көне белән!” дип язылган хәрби пилоткалар кигән һәм Георгий тасмалары таккан хезмәткәрләр каршы ала.

Бу – Нурлат АТПсының Җиңү көне уңаеннан оештырылган истәлек акцияләренең берсе.

– Без ел саен Бөек Ватан сугышында катнашкан ветераннарыбыз һәм тылда хезмәт куйган якташларыбызга, аларның каһарман батырлыкларына хөрмәт күрсәтү йөзеннән, төрле чаралар оештырабыз, – диде “Нурлат АТПсы” генераль директоры Идрис Кәримов. – Мисалга, тиздән автовокзалны әләмнәр белән бизәячәкбез, автобусларга сугыш һәм тыл ветераннарына ихлас теләкләр язылган баннерлар урнаштырылачак.