Балаларның җәйге ялы ничек оештырылачак

- Быелгы җәйге каникулларда да төрле юнәлешләр буенча эшләргә җыенабыз, - ди райбашкарма комитетының яшьләр эшләре һәм спорт бүлеге җитәкчесе Әнәс Нәбиуллин. - Ял, хезмәт һәм сәламәтләндерү, мәктәп яны, "Заречный", "Нурсан", "Чияле Алан" лагерьлары эшләячәк. Моннан тыш, "Форпост", РОСТОның район оешмасые һәм хәрби комиссариат линияләре буенча яллар оештыру каралган, аннан Болгардагы палаткалы лагерьларга төркемнәр җибәреләчәк.

Инде бүгеннән бүлектә Кырымдагы "Кипарис" һәм Анападагы "Счастливое детство" лагерьларына балалар төркемнәре җыю да башланган икән.

Ялларны оештыру чыгымнарының күпчелек өлешен республика һәм район бюджетлары финанслый, шулай ук ата-аналардан да кайбер кертемнәр каралган.