Чулпан авылында өлкәннәрне бәйрәмдә олыладылар

Авыл мәдәният йортының сәнгать җитәкчесе Альбина Мәхмүтова һәм директоры Илшат Гайсин алар өчен  авылда яшәүче сәхнә осталары катнашында зур һәм кызыклы концерт программасы әзерләгән. “Авыл халкын  авыл җирлеге башлыгы Искәндәр Шәйхуллин котлады, җыр-биюләр карап, шигырьләр тыңлап күңелебезгә ял алдык, авылыбызда шундый осталар барына сөендек. Барыбызның да күңеленә хуш килә торган кичә булды”, – дип хәбәр итте чулпанлы Наилә апа Насыйбуллина.