Яңа ел алдыннан Нурлат аграр техникумы "Татнефтепродукт" ХК ААҖнең "Нурлат нефть продуктлары" филиалыннан бик тә вакытлы һәм кирәкле бүләк - гамәлдәге ягулык салу колонкасы алды.
Шул көннәрдә җайланма эшләтеп җибәреләчәк, дип хәбәр итте Нурлат аграр техникумы директорының производствога өйрәтү буенча урынбасары вазифаларын башкаручы Николай Ларионов. Колонка уку йорты территориясендә, эчке янулы двигательләр ремонтлау лабораториясендә торачак, һәм хәзер "Автомеханик", "Ягулык станцияләре операторлары" белгечлекләре буенча укучылар механизмның төзелешен гамәлдә өйрәнә, аның эшләү серләренә төшенә алачаклар.
Нет комментариев