"Нурлат урманчылыгы" ДКУсында урман кисү һәм утырту буенча узган елга нәтиҗәләр ясыйлар.
Җитәкче - урманчы урынбасары Ринат Ганиев хәбәр иткәнчә, хәзерге вакытта ачык аукционга электрон формада документлар әзерләү бара. Аның нигезендә Нурлат урманчылыгында агач әзерләү өчен урман сату белән бер вакытта урманнарны саклау, яклау һәм торгызу буенча комплекслы эшләр үтәүгә килешүләр төзеләчәк. Янгын куркынычы булган сезонга әзерләнү дә мөһим бурычлардан булып кала.
Нет комментариев