Хәрби хезмәтнең абруен күтәрү, үсеп килүче буында ватанпәрвәрлек хисләре тәрбияләү максатыннан гимназиядә районның 261 унынчы сыйныф укучысы өчен «Шундый һөнәр бар - ватанны саклау» дигән чара узды.
Хәрби кием кию кайсы гына баланың хыялы түгел икән? Шуңа да район мәктәпләрендә белем бирү белән рәттән, патриотик тәрбия дә игътибар үзәгендә. Укучыларны дисциплиналы, хәрби уку йортларына әзерлекле итеп тәрбияләү - мәктәпнең төп бурычларының берсе.
- Хәрби хезмәткә бары көчле кешеләр генә килә һәм эшли ала. Рух һәм тән ныклыгы монда беренче урында тора. Хәрби өлкәдә эшләргә карар кылып, хәрби белем алырга теләүчеләрнең соңгы елларда артуы безне куандыра гына, - диде чарада чыгыш ясаган район хәрби комиссары Заһир Абдуллин.
Нет комментариев