Мәйдан Сабантуйга әзерләнә

Мәйданда инде берничә атна эш кайный. Мәдәният, төзелеш, ТКХ һәм архитектура бүлекләре, авыл җирлекләре башкарма комитетлары хезмәткәрләре иртән иртүк үз позицияләренә басалар.

- Барлык авыл җирлекләре башлыклары, милли авыллар өчен җаваплылар җәлеп ителде. Татар авылы корылда, чиратта - рус, чуваш, көнчыгыш һәм украин авыллары, - ди район Советы аппараты җитәкчесе Александр Токарев. Безнең күз алдында җыелган татар авылы үзенчәлекле йорттан, мунча һәм ишегалдыннан торачак. Кояшта балавыздай ялтырап торучы бүрәнәләрдән шыр ялангач җирдә йорт пәйда булды, аның таш миче дә бар. Алда башка йортларның билгеләре дә чагыла. Оештыручылар исә Сабантуй программасының барлык серләрен дә ачып салырга ашыкмый, әмма нурлатлыларны бик күп күңелле сюрпризлар көткәнлеген яшермиләр.