Нурлат районында гаиләләренә репрессияләр дулкыны кагылган дүрт кеше яши

Сәяси репрессия корбаннарын искә алу көнендә районның социаль яклау вәкилләре әти-әниләре репрессияләнгән Анатолий Антонов, Саимә Галимова, Александр Тайгильдин һәм Александр Петровның өйләрендә булдылар. Аларга район башлыгы Дамир Ишкинеев исеменнән бүләкләр тапшырып, ныклы сәламәтлек теләделәр, хәлләре, тормыш-көнкүрешләре белән кызыксындылар.

Репрессия корбаннарының балалары, үз чиратларында, тарихи хәтерне яшь буынга тапшыруның мөһим булуын билгеләп, тынычлыкның кадерен белеп яшәргә чакырдылар.