Кичә Нурлатның Сембер урамындагы бер гаилә хуҗалыгында янгын чыккан. -Янгын турында хәбәр 19.11дә керде, шунда ук янгын сүндерүчеләр юлга кузгалды,-дип хәбәр иттеләр безгә 125 янгын частеннан.
Алар әйтүе буенча, янгыннан өлешчә мунча һәм йортның эчке ягы зарарланган, ә янгынның сәбәбе мунча миченең артык кызуында булган.
Өч балалы тырыш гаилә быел гына йорт-җиренә ремонт ясаган, үз хезмәтләре белән көн күргәннәр, күршеләре белән дә аралашып дус-тату яшәгәннәр.
-Бу урамда күршеләрнең бердәмлеге, булышлыгы шаккатырды,-ди 125 янгын часте начальнигы Илһам Курамшин.-Без хәбәр иткәнче үк "Нурлатнефтепродукт" өч, аннары ТКХы МУПы тагы ике машинасын ярдәмгә җибәрде, рәхмәт аларга. Күмәк көч белән кеше үлеменә һәм утның ары таба үрләвенә юл куелмады.
Нет комментариев