Юбилейны каршылап

110 саны һәм салют төшерелгән тимердән ясалган конструкция урнаштырылган инде, шул көннәрдә ян-якларына Татарстан һәм Россия әләмнәре формасына кертеп тцсле чәчәкләр утыртылды. Биредә үк чәчәкләрдән күк йөзе һәм кояш та ясалачак. 104нче йорт янәшәсендә булдырылган әлеге почмакны ясау тәкъдимен исә шул йортта яшәүчеләр үзләре күтәреп чыккан, аны тормышка ашырырга ТР Дәүләт Советы депутаты Илгиз Салихов, җирле эшмәкәрләр, идарәче компания булышкан. Шәһәр башкарма комитеты архитекторы Людмила Батыршина әйтүенчә, шәһәр юбилеена шуңа охшаш композицияләр Козлов урамы участогында булдырылган инде, алга таба шәһәрнең сәүдә үзәкләренең берсе янәшәсендә тагы бер шундый объект булдыру ниятләнә.