Нурлат районының Киекле мәктәбендә азык-төлек блогы модернизацияләнә

Ашханә һәм кухняның яңаруы РФ Президентының “Яшьләр һәм балалар” илкүләм проекты һәм “Бар яхшы нәрсә – балаларга” федераль программасы кысаларында уза.

Проектның финанс нигезе шактый саллы – төбәк казнасыннан 7,2 миллион сумнан артыграк акча бүлеп бирелгән. 

Мәктәп ашханәсендә нәрсәләр үзгәрәчәк соң? Төзүчеләр бизәү эшләренең тулы циклын башкарачак: биредә стеналарны тигезләячәкләр һәм идән җәймәләрен яңартачаклар. Санитария таләпләренә җавап бирүче яңа заманча җиһазлар урнаштырылачак. Азык-төлек блогында инженерлык челтәрләрен тулысынча алыштырачаклар: җылыту, вентиляция һәм су белән тәэмин итү системаларын заманча стандартларга яраклаштырачаклар, шулай ук электр үткәргечләрен һәм түбән токлы челтәрләрне яңартачаклар. Яңа тәрәзә блоклары һәм ышанычлы ишекләр бинада уңайлы микроклимат тәэмин итеп, әлеге үзгәрешләрне тәмамлаячак.

Нурлат районы мәгариф бүлеге җитәкчесе Алсу Рәхмәтуллина әйтүенчә, бу ремонт матурлык өчен генә түгел, ә сәламәтлек һәм уку сыйфаты өчен дә башкарыла. Яңартылган ашханәнең заманча дизайны һәм уңайлы атмосферасы мөһим тәрбияви роль уйнаячак.