Нурлат халкының мәшгульлеге үзәге күчмә Кубокны быел да үзендә калдырды

Үзәк директоры Нәгыйм Сафиуллинга җиңүче Дипломы, күчмә Кубок һәм бүләкне кичә ТР Хезмәт, мәшгульлек һәм социаль яклау министрлыгының коллегия утырышында министр Айрат Шәфигуллин тапшырды. Мәшгульлек үзәгенең әлеге смотр-конкурста өченче тапкыр җиңү яулавы инде бу: үзәк Кубокны беренче тапкыр 2010нчы елда алган булса, 2012нче елда янә үзенә кайтаруга иреште һәм 2013нче ел нәтиҗәләре буенча Кубок быел да Нурлатта калды. Шулай итеп, Нурлат халкының мәшгульлеге үзәге республикада Кубокка өч тапкыр ия булган бердәнбер үзәк әлегә.