Нурлатта инвалидлар җәмгыятенә яңа җитәкче билгеләнде

Бөтенроссия инвалидлар җәмгыятенең җирле иҗтимагый оешмасы рәисе итеп Сергей Крайнов сайланды. Яңа җитәкче – махсус хәрби операция ветераны, II төркем инвалид, әмма бу аңа актив тормыш алып барырга комачауламый. Сергей Крайнов районда спортчы һәм дүрт бала атасы буларак билгеле. Ул патриотик чараларда да катнаша.

Сергей Владимирович рәис вазыйфасындагы төп бурычын сәламәтлек мөмкинлекләре чикләнгән кешеләргә ярдәм күрсәтү, аларны спортка һәм иҗтимагый тормышка җәлеп итүдә күрә.