Нурлаттан 160тан артыграк кеше Татарстанның Электрон мактау тактасына кертелде

Татарстан Республикасында Электрон мактау тактасы рәсми рәвештә эшли башлады – бу төрле эшчәнлек өлкәләрендә зур нәтиҗәләргә ирешкән гражданнарның казанышларын җәмәгатьчелек тарафыннан тануга юнәлтелгән масштаблы интернет-проект. Республиканың иң яхшы белгечләре арасында Нурлат хезмәтчәннәре дә лаеклы урын алды: мәртәбәле исемлеккә Нурлат муниципаль районыннан 166 лауреат керде.

Яңа ресурс Татарстан Республикасы Рәисе Указы белән гамәлгә куелды. Проектның төп максаты – халыкның Татарстанның икътисадый, социаль һәм мәдәни үсешенә керткән хезмәтен билгеләп үтү. Платформада дәүләт, җитештерү, фәнни-тикшеренү, социаль-мәдәни һәм җәмәгатьчелек өлкәләре хезмәткәрләре урын алган.

Республиканың Электрон мактау тактасына Татарстанның 4,8 меңнән артык предприятие һәм оешмасыннан 15 меңнән артыграк хезмәткәр тәкъдим ителгән инде. Алар арасында – Нурлат нефтьчеләре, аграрийлары, педагоглары, медицина һәм социаль хезмәткәрләре, мәдәният эшлеклеләре һәм башка мөһим һөнәр вәкилләре бар. Аларның һәркайсы намуслы хезмәтләре, һөнәрмәнлекләре һәм үз эшләренә турылыклы булулары белән аерылып тора.

Электрон мактау тактасына кертелгән барлык лауреатларга тантаналы шартларда таныклыклар тапшырылачак.

Республиканың Электрон мактау тактасына кергән нурлатлыларның тулы исемлеге белән проектның рәсми порталында түбәндәге сылтама аша танышырга мөмкин: https://gordost.tatar.ru/municipality/nurlatsky.