Ольга Бочкарева «Уяв чибәре» бәйгесендә уңышлы чыгыш ясады

Узган атнада нурлатлылар Чирмешән районында үткән республикакүләм “Уяв” бәйрәмендә катнашып кайттылар.

Традиция буенча “Уяв чибәре” гүзәллек һәм талант бәйгесе бәйрәмнең матур бизәкләреннән берсе булды. Анда Урта Камышлы мәктәбе укучысы Ольга Бочкарева катнашып, өченче урын яулады.

Ольга туган телен, тарихын һәм гореф-гадәтләрен яхшы белә. Моннан тыш, “Эсперанса” ансамблендә хореография белән дә шөгыльләнә. Нәкъ менә әлеге сыйфатлары аңа бәйгедә республиканың төрле районнарыннан җыелган 12 көндәше арасында призлы урын яуларга ярдәм иткән дә.