Татарстанда хокукый актларның күпчелеге роботлар ярдәмендә теркәлгән
2025 ел йомгаклары буенча Татарстан Республикасы, муниципаль регистрдагы норматив актлар күләме буенча беренче урынны яулап, Идел буе федераль округында лидер статусын кабат раслады.
“Татар-информ” агентлыгы республиканың Юстиция министрлыгы матбугат хезмәте мәгълүматларына таянып хәбәр иткәнчә, бу уңышның төп этәргече булып әлеге процессны цифрлаштыру тора.
Оптимизациянең төп коралы булып 2022 елда эшкә кертелгән RPA системасы санала. Система республиканың рәсми хокукый порталыннан килүче документларны мөстәкыйль рәвештә эшкәртә һәм регистрга кертә. 2025 елда документларның 77 проценты шулай эшкәртелгән.
Бу мәгълүматны эшкәртү срокларын сизелерлек кыскарткан.
Югары күрсәткечләргә карамастан, 100 процентлы уңышка ирешү әлегә мөмкин түгел – муниципалитетлар тарафыннан документларның якынча 7 проценты техник яки логик хаталар белән йөкләнә, ә робот аларны дөрес таный алмый.
Бу “төгәлсезлек”не бетерү өчен ТР Юстиция министрлыгы берничә белем бирү интенсивы уздырырга планлаштыра. Урыннардагы белгечләрне портал функционалы белән эшләргә өйрәтәчәкләр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев